Peşəyönümü istiqamətləri ilə bağlı IX sinif valideynləri və şagirdləri ilə görüş təşkil edilmişdir.
Uşaqların davamlı inkişafına yönəlmiş pedaqoji fəaliyyətə dəstək vermək məqsədi ilə valideynlərin sistemli şəkildə pedaqoji-psixoloji maarifləndirilməsi və peşəyönümü ilə bağlı görüş keçirilib
Fərdlərin öz maraq və qabiliyyətlərinə uyğun peşələr seçməsinin təmin edilməsində ən mühüm rol məktəblərdə peşəyönümü xidmətinin üzərinə düşür. Şagirdlər özlərinə ən uyğun peşəni seçə bilmələri üçün ilk növbədə, öz maraq və qabiliyyətlərini tanımalıdırlar. Məhz bu məqsədlə 25.04.2024-cü il tarixdə şagirdlərin peşəyönümü istiqamətləri ilə bağlı IX sinif valideynləri və şagirdləri ilə görüş təşkil edilmişdir.
Görüşdə məktəbin direktoru Abdullayeva Mətanət, direktor müavini Əliyeva Röyalə, psixoloq Hacıyeva Yasəmən "Mədəniyyət və Sənətkarlıq üzrə Bakı Dövlət Peşə Təhsili Mərkəzi"nin müəllimləri, valideynlər və şagirdlər iştirak etmişlər. Əvvəlcə peşə məktəbinin müəllimQədimova Alimə xanım müxtəlif peşə ixtisasları üzrə məlumat verdilər. Bundan sonra isə, məktəbin direktoru müxtəlif peşə ixtisasları üzrə şagirdlərin arzularını soruşdu və tövsiyyələr verdi. O, qeyd etdi ki, şagirdlərin qabiliyyətlərinə uyğun peşə seçmələrində valideynlərin rolu müstəsna əhəmiyyət kəsb edir və valideynlərə müraciət edərək peşə seçimində şagirdləri düzgün yola istiqamətləndirməsi ilə bağlı fikirlərini onların nəzərinə çatdırdı.
Görüşün sonunda valideynləri maraqlandıran bir sıra suallar cavablandırıldı.
#BakıTəhsilİdarəsi #EduAz #BakuEduAz #Məktəb137#Müəllim #Şagird #Peşəyönümü
