"My school diary" eTwinning layihəsi
Məktəbin qabaqcıl müəllimlərindən olan Vahidə Azayeva ötən il sinif şagirdləri ilə birgə 14 ölkənin qatıldığı "My school diary" eTwinning layihəsində iştirak etmiş, fərqli məktəblər arasında tərəfdaşlıq qurmaqla şagirdlərin mədəni anlayışını inkişaf etdirmək, dil bacarıqlarını artırmaq və beynəlxalq əməkdaşlıq təcrübəsini qazanmağa nail olmuşdur.
Sevindirici haldır ki, layihə "Milli Keyfiyyət Nişanı"na layiq görülməklə yanaşı, bu il "Avropa Keyfiyyət Nişanı"na da layiq görülüb.
Bu layihədə şagirdlər digər ölkələrdən olan həmyaşıdları ilə ünsiyyət quraraq dil bacarıqlarını inkişaf etdirmək, mədəni fərqlilikləri anlamaq və qiymətləndirmək imkanı əldə edirlər. Layihə şagirdlərin sosiallaşması, əməkdaşlıq və yaradıcılıq bacarıqlarının formalaşmasında böyük töhvə vermişdi.
