31 Dekabr - Dünya Azərbaycanlıların Həmrəylik Günü və Yeni il bayramı.
31 Dekabr – Azərbaycan xalqının tarixində ən yadda qalan, ən şərəfli günlərdən biri – Dünya Azərbaycanlılarının Həmrəylik Günüdür.
Bu bayram ayri- ayrı ölkələrdə yaşayan azərbaycanlılarla əlaqələr qurmaq, onlar arasında birlik və həmrəylik yaratmaq işində mühüm rol oynayır. 31 dekabr-Dünya Azərbaycanlıların Həmrəylik Günü bayramı dünyanın 70-dən çox ölkəsində azərbaycanlılar tərəfindən qeyd olunur. Həmrəylik günü Azərbaycan diasporu üçün ən mühüm bayrama çevrilib. Bu günü hətta miliyyətcə Azərbaycanlı olmayıb, lakin Azərbaycanda doğulub böyümüş, Azərbaycan əsilli diaspor nümayəndələri də qeyd edirlər. 130 nömrəli tam orta məktəbdə Həmrəylik Günü və Yeni il bayramı qeyd olundu. Şagirdlər bayram münasibəti ilə şeirlər söylədilər, mahnı oxuyub rəqs etdilər. Məktəbin tərbiyə işləri üzrə direktor müavini Dadaşova Yeganə şagirdləri və müəllim kollektivini 31 dekabr- Dünya Azərbaycanlılarının Həmrəylik günü və Yeni il münasibəti ilə təbrik edib, yeni ildə xalqımıza xoş güzəran, ruzi- bərəkət, firavanlıq, əmin-amanlıq və qələbə arzuladı.
