Müstəqil Azərbaycan
Vətənim Azərbaycandir. Bu sözü hər bir azərbaycanlı qürurla söyləyir. Vətənini insan özü seçmir. Yaşadığın yeri seçə bilərsən, amma vətəni seçmək mümkün deyil.
Azərbaycan Respublikası 1918-ci il mayin 28-də yaradılmışdır. Bu respublika Azərbaycan Xalq Cümhuriyyəti adlanırdı.
1920 –ci il aprelin 28-də Azərbaycan Xalq Cümhuriyyəti Sovet Rusiyası tərəfindən işğal olundu. Azərbaycan öz müstəqilliyini itirdi və15 respublikanı birləşdirən Sovet İttifaqının tərkibinə qatildı. O zamanlar ölkəmiz Sovet Sosialist Respublikası adlanırdı.
1991-ci il 18 Oktyabrda Azərbaycan Sovetlər Birliyinin tərkibindən çıxaraq müstəqilliyini yenidən bərpa etdi. Ona görə də xalqımız hər il 18 Oktyabrı Müstəqillik Günü kimi qeyd edir. Müstəqillik Günü 130 nömrəli tam orta məktəbdə dəyirmi masa formatında təşkil olundu. Dəyirmi masa Azərbaycan Respublikasının Dövlət Himni ilə başlandı. Tarix müəllimi Türanə Zeynalova şagirdlərə Azərbaycan Respublikasının Müstəqillik Günü haqqında məlumatlar verdi,bu günün əhəmiyyəti haqqinda danışdı. Şagirdlər də öz növbəsində müstəqillik günü haqqında bildiklərini müzakirə edərək daha da geniş məlumatlar aldılar.
