5 Oktyabr Müəllimlər günü
5 Oktyabr – Beynəlxalq Müəllimlər günüdür. Müəllimlər günü ölkəmizdə 1993-cü ildən qeyd edilməyə başlanıb. Bu bayram həyatını xalqın işıqlı gələcəyinə həsr edən müqəddəs peşə sahiblərinin bayramıdır.
“Beynəlxalq Müəllimlər Günü” 130 nömrəli tam orta məktəbdə də qeyd olundu. Tədbir şagirdlərin hazırladıqları “Şərəfli ömür səhifələri” adlı video çarxla başlandı. Şagirdlər hazırladıqları şeirlər, mahnılar, rəqslər və səhnəciklər ilə şərəfli peşə sahiblərini– müəllimləri bu gün münasibəti ilə təbrik etdilər. Məktəbin direktoru Ağasəid Orucov da müəllimləri təbrik edib, onlara bu şərəfli yollarında müvəffəqiyyətlər arzuladı.
