Azərbaycanın milli bayramı - Respublika günü
Azərbaycanın milli bayramı – Respublika günü ilə əlaqəli təntənəli tədbir təşkil olundu. Tədbirdə 100 illiyini qeyd etdiyimiz Şərqin ilk demokratik Respublikasının müstəsna xidmətlərindən bəhs olundu. Müstəqil Azərbaycanın hansı möhkəm təməllər üzərində qurulduğu və Azərbaycan xalq Cümhuriyyətinin varisi olduğu barədə şagirdlər məlumatlandırıldı. Şagirdlərin ifasında müxtəlif şeirlər səsləndirildi. Tədbirdə türk qalxlarının birliyindən, qardaşlığından bəhs olundu. Bunun bariz nümunəsi kimi məktəbimizin 1b sinif şagirdi əslən Türkmənistan vətəndaşı olan Aman da səhnədə öz yerini aldı və türkmən dilində şeir ifa etdi. Həmçinin şagirdlərin ifasında türk xalqlarının milli rəqsləri də nümaiş olundu. Məktəb direktoru Ağasəid Orucovun da təbrik çıxışı tədbirdə öz yerini aldı.
