Görkəmli oftalmoloq alim Zərifə Əliyevanın anadan olmasından 95 il keçir
Azərbaycan tarixi, keçirdiyi ömür yolu, həyat və fəaliyyətləri ilə sözün hər bir mənasında, örnək olacaq şəxsiyyətlərlə zəngindir. Anadan olmasının 95 illiyini qeyd etdiyimiz Zərifə xanım Əliyeva da belə insanlardandır. Keçirdiyi şərəfli, mənalı, keşməkeşli ömür yolundan, gördüyü işlərdən söz açarkən qürur, iftixar hissi keçirdiyimiz bu xanımın doğum günü məktəbimizdə xüsusi tədbirlə qeyd olundu. Tədbirdə Zərifə Əliyeva adına milli Oftolmologiya İnstitunun baş elmi işçisi tibb elmləri namizədi Aygün Məmmədbəyli, Maştağa qəsəbəsi 7 saylı xəstəxananın baş həkimi Səriyyə Səfərova, Azərbaycan Respublikası Prezidenti yanında Bilik fondunun aparıcı əməkdaşı Aynur Seyidova qonaq qismində iştirak etdilər.
Bilik Fondunun əməkdaşlığı ilə birgə hazırlanmış bu tədbirdə məktəb rəhbərliyi, müəllim və şagird kollektivi iştirak edirdi. Tədbir məktəbin direktoru Ağasəid Orucovun çıxış sözü ilə açıq elan edildi. Daha sonra çıxış üçün söz digər qonaqlara verildi. Çıxış edənlərin hər biri xalq qarşısında əvəzsiz xidmətlər göstərmiş, çoxillik elmi-tədqiqat işlərinə görə 1983-cü ildə Azərbaycan Elmlər Akademiyasının akademiki seçilmiş professor Zərifə Əziz qızı Əliyevanın həyat və fəaliyyəti haqqında tədbir iştirakçıları məlumatlandırıldı.
