Şəhid əsgərimiz Röyal Nəsirov doğum günündə 130 nömrəli məktəbdə anıldı
Hər bir müstəqilliyin əldə olunub, qorunmasında göstərilən şücaətlər və verilən qurbanlar heç bir zaman unudulmur. Azərbaycan oğulları daim “vətən borcu”nu dərk edir və onun yolunda canından keçməyə hazırdır. Röyal Nəsirov da vətənin müdafiəsi uğrunda şəhid olub, bu şərəfli adı qazanan Azərbaycan oğludur. O, da hər bir qəhrəman kimi millətin eyni zamanda 130 nömrəli məktəbin fəxridir. 16 Mart doğum tarixini qeyd etdiyimiz Röyal 130 nömrəli məktəbin məzunudur. Onun doğum günü münasibəti ilə məktəbdə şəhid şagirdin xatirəsi yad olundu, şagirdlər Röyalın “Aprel döyüşlərində” göstərdiyi qəhrəmanlıq haqqında bir daha məlumatlandırıldı. Məktəbin foyesində şəhidin şəkillərinin və onun haqqında məlumatın əks olunduğu slayd nümaiş etdirildi. Məktəb şagirdlərinin izlədiyi slayd zamanı müəllimlər də şəhid adının müqəddəsliyi və ölməzliyi haqqında şagirdləri məlumatlandırıb və onlara vətəvpərvərlik anlayışını aşıladılar.
