Məktəbdə 31 Dekabr Dünya Azərbaycanlılarının Həmrəyliyi Günü və yeni il şənliyi keçirilmişdir
130 nömrəli məktəbdə "31 Dekabr Dünya Azərbaycanlılarının Həmrəyliyi Günü" və yeni il şənliyi keçirildi. Tədbirdə məktəbin müəllim və şagird kollektivi iştirak edirdi. Şagirdlərin hazırladığı səhnəciklər və musiqi nömrələri tədbiri daha da rəngarəng etdi. İlk öncə şagirdlər "31 Dekabr Dünya Azərbaycanlılarının Həmrəyliyi Günü"nün yaranması barədə məlumat verdilər, daha sonra dünyada yaşayan azərbaycanlıların Azərbaycan üçün gördüyü işlərdən, vətənimizi dünyada tanıtmaq məqsədilə xaricdə fəaliyyət göstərən diasporanın işindən bəhs etdilər. Tədbirdə həmçinin yeni il şənliyinin simvolları olan Şaxta baba və Qar qız uşaqları əyləndirərək onların sevincinə şərik oldular. Məktəbin direktoru və müəllimlər də öz növbəsində çıxışlarında hamını həmrəy olmağa səslədilər.
