Dövlət Bayrağı Günü
1918 – ci il 9 noyabr Azərbaycan Xalq Cümhuriyyəti Nazirlər Şurasının milli bayraq haqqında verdiyi qərar həmin tarixdə də qəbul edildi. 2009 – cu ildən isə Prezident İlham Əliyevin sərəncamına əsasən Azərbaycanda Dövlət Bayrağı Günü elan olunan 9 noyabr, məktəbimizdə də təntənəli tədbirlə qeyd edildi. 130 nömrəli tam orta məktəbin tərbiyə işləri üzrə direktor müavini Yeganə Dadaşovanın rəhbərliyi ilə təşkil olunan və şagirdlərdə vətənpərvərlik ruhunu yüksəltmək, onları milli – mənəvi ruhda tərbiyə etmək, vətənə, bayrağa məhəbbət aşılamaq məqsədi daşıyan tədbir “Bir kərə yüksələn bayraq, bir daha enməz” başlığı ilə təqdim olundu. Tədbir Azərbaycan Respublikasının dövlət himninin səslənməsi ilə açıq elan olundu. Şagirdlərin şeirləri ilə müşaiət olunan tədbirdə həmçinin Azərbaycan ordusunun gücünün göstəricisi olan “Lələtəpə”qələbəsi də anıldı. Bu məqsədlə kiçik səhnəcik nümaiş olundu. Tədbirdə həmçinin məktəbimizin gənc şairəsi H.Gülnisə, qələm sahibi olduduğu “Bayraq” şeirni öz ifasında izləyicilərin nəzərinə çatdırdı. Bayraq gününə həsr olunmuş tədbir məktəbin direktoru Ağasəid Orucovun çıxışı ile sona çatdı.
