Beynəlxalq müəllimlər günü
5 Oktyabr Beynəlxalq müəllimlər günüdür. Məhz bu gün bir çox dünya ölkələrində müəllimlər öz peşə bayramlarını keçirirlər. Bu tarix 1993 – cü ildən Azərbaycanda da qeyd olunur. “Mən dünyada müəllim adından yüksək, şərəfli bir ad tanımıram” deyərək bu müqəddəs peşə sahiblərinə verdiyi yüksək dəyəri ifadə edən Heydər Əliyev daim müəllimlərin əməyini yüksək qiymətləndirərək onları öz qayğısı ilə əhatə etmişdir. Çünki, məhz müəllim əməyi nəticəsində cəmiyyət formalaşır, geniş dünyagörüşlü, bilikli, savadlı, nümunəvi əxlaqa malik insanlar yetişir. Bu əlamətdar tarix 130 nömrəli məktəbdə də qeyd olundu. Daim müəllimlərinin sevgi və qayğısı ilə əhatələnən şagirdlər bu gün onları söylədikləri şeir və nəğmələrlə səmimi qəlbdən təbrik etdilər. Həmçinin ibtidai sinif şagirdləri də müəllimlər bayramını öz təbrikləri ilə daha da rəngarəng etdilər.
