Son Zəng
Hər kəsin həyatında bir ömür boyu unuda bilməyəcəyi, əlamətdar gün kimi xatirəyə çevriləcək anlardan biri şagirdlərin məzun olduğu son zəng günüdür. Məhz 14 iyun 2017 – ci il tarixində 130 nömrəli məktəbin şagirdləri də bu günü qeyd etdilər. Tədbir məktəbin direktoru Ağasəid müəllimin çıxışı ilə açıq elan olundu. O, öz çıxışında məzunları təbrik etdi və onlara gələcək həyatında müvəffəqiyyətlər diləyib sözü şagirdlərə təqdim etdi. Məzunlar tədbir zamanı musiqi nömrələri ilə çıxış etdilər. Daha sonra çıxış üçün fənn müəllimlərinə söz verdilər. Müəllimlər də öz növbəsində şagirdləri təbrik edib, onlara xoş arzularını ifadə etdilər. Sonda məzunlar son zəng sədaları ilə məktəblə vidalaşdılar.
