28 May Respublika gününün 99 – cu ildönümü münasibəti ilə tədbir keçirildi
1990 – ci ildən Respublika günü kimi qeyd olunan 28 May Azərbaycan Xalq Cümhuriyyətinin yarandığı gündür. Məhz 1918 – ci il bu tarixdə müsəlman Şərqində ilk demokratik dövlət yarandı. Bu gün bu şanlı tarixdən 99 il ötməsinə baxmayaraq demokratik Azərbaycan Respublikasında da bu ideyalar qorunur və dövlətimiz hüquqi, dünyəvi dövlət kimi dünya dövlətləri arasında tanınır. 130 №li məktəbdə bu gün münasibəti ilə xüsusi tədbir proqramı hazırlanmışdır. Tədbirin təşkilatçısı ibtidai sinif müəllimi Abbasova İradə müəllimin 4 – cü siniflə hazırladığı bu tədbir himnin səslənməsindən sonra açıq elan olundu. Milli geyimlərdə səhnədə yer alan şagirdlər vətənpərvərlik, bayraq və qəhramanlıq mövzusunda müxtəlif şeirlər söyləyib, musiqi nömrələri ilə çıxış etdilər. Tədbir şagirdlərin milli müsiqi sədalarında rəqsləri ilə tamamlandı.
