130 nömrəli məktəbdə aprel döyüşlərinin anılması məqsədi ilə “Torpaq and yerimizdir” adlı vətənpərlik mövzusunda tədbir keçirildi
Bu gün Azərbaycan Qəhrəmanlıq tarixi səhifələrinə adını həkk etdirmiş aprel döyüşlərindən artıq 1il ötür. Döyüşlərin ildönümünün qeyd edilməsi, şəhidlərin anılması, şagirdlərdə vətənə sevgi hisslərinin aşılanması məqsədi ilə 130 №li məktəbdə vətənpərvərlik mövzusunda “Torpaq and yerimizdir” adlı tədbir keçirildi. Tədbirdə Sabunçu rayonu 42 – ci PB – nin yetkinlik yaşına çatmayanların işi üzrə polis mayoru Yasəmən Fətəliyeva qonaq qismində iştirak etdi. Azərbaycan dövlət himnin səslənməsi ilə başlanan tədbirdə ilk olaraq hərbi and şagird Əliyev Elşad tərəfindən söylənildi. Aparıcılar tədbiri açıq elan edərək şəhidlərimizi 1 dəqiqəlik sükutla yad etdilər. Daha sonra ardıcıl olaraq səhnədə yerini alan şagirdlər vətənpərvərlik mövzusunda şeirlər söyləyib, nəğmələr oxudular. Tədbir kiçik səhnənin nümayişi ilə davam etdirildi. Çıxışlardan sonra məktəbin direktoru Ağasəid Orucova söz verildi. O, öz nitqində şagirdlərə vətənpərlik haqqında məlumatlar verdi. Son olaraq çıxış edən Yasəmən Fətəliyeva da belə anım günlərinin qeyd olunmasının vacibliyini qeyd edərək tədbirin təşkilatçı və iştirakçılarına təşəkkürünü bildirdi.
