20 Yanvar faciəsinin iyirmi yeddinci ildönümü ilə əlaqədar "20 Yanvar - Azadlığa gedən yolun zirvəsi"dir mövzusunda ədəbi - bədii kompozisiya keçirilmişdir
Azərbaycanın azadlığı və ərazi bütövlüyü uğrunda mübarizə tarixinə qəhrəmanlıq səhifəsi kimi yazılan 20 Yanvar faciəsinin iyirmi yeddinci ildönümü ilə əlaqədar “20 Yanvar – Azadlığa gedən yolun zirvəsi” adlı ədəbi – bədii kompozisiya keçirilmişdir. Tədbirdə tarix müəllimi Mustafayev Anar şagirdlərə 20 Yanvar faciəsi haqqında məlumat verdi. O, qeyd etdi ki, vətənpərvərlik hissi aşılanmış hər bir azərbaycanlı bu günü böyük hüznlə anmalıdır. Bütün qeyd olunanların əyani formada canlandırılması üçün şagirdlərin iştirakı ilə kiçik səhnəciklər nümayiş etdirildi. Eyni zamanda səhnə tərtibatı və tədbirdə söylənilən şeirlər həmin gecənin dəhşətini tədbir iştirakçılarının gözləri önündə canlandırılmasına müəssər oldu. Həmçinin tədbirdə şagirdlərin “Vətən şəhidləri ilə ucalır” mövzusunda yazdıqları inşalar dinlənildi. Qanlı faciəni əks etdirən videoçarx nümayiş etdirilməsi ilə tədbir sona çatdı.
