Qəhrəmanlarımızı tanıyaq
08.01.2021-ci il tarixində məktəbin ibtidai sinif müəllimi Ayşən Mürşüdovanın təşkilatçılığı ilə "Qəhrəmanlarımızı tanıyaq"mövzusunda onlayn tədbir keçirildi. 27 il işğal altında olmuş torpaqların azad olunmasında əvəzzis rolu olan, göz qırpmadan torpaq, vətən uğrunda canlarını fəda verməyə hazır olan qazilərimiz-Fərəcov Səbuhi, Əliyev Novruz, Əliyev Rüstəm, Abdullayev Ələkbər, Tağıyev Yunis tədbirimizin qonağı oldular. Qazilərimiz keçdikləri döyüş yolundan danışaraq şagirdlərimizin suallarını cavablandırdılar. Şagirdlər də öz növbələrində qazilərə olan məhəbbətlərini şeir söyləyib yazdıqları xoş sözlərlə bildirdilər. Tədbirdə məktəb rəhbərləri və müəllim heyəti də iştirak edirdilər. Onlar da öz ürək sözlərini söyləyərək qazilərimizə Allahdan şəfa diləyib xoş arzularını bildirdilər.
