Vətənin qəhrəman oğulları
"Azərbaycan xalqının tarixi qələbəsinin tədrisdə əks etdirilməsi haqqında " Təhsil Nazirliyinin 2020-2021-ci tədris ili üçün Fəaliyyət Planı-na əsasən məktəbin tərbiyə işləri üzrə direktor müavini Yeganə Dadaşovanın təşkilatçılığı ilə onlayn tədbir keçirildi. Tədbir Azərbaycan Respublikasının Dövlət Himni ilə başlandı. İlk növbədə Yeganə Dadaşova tədbir iştirakçılarını salamlayaraq 44 gün davam edən müharibədəki şanlı qələbəmizdən danışdı. Vətən uğrunda canlarını qurban verən şəhidlərimiz 1 dəqiqəlik sükutla yad edildi. Daha sonra V-IX sinif şagirdləri "Vətənin qəhrəman oğulları" mövzusunda hazırladıqları təqdimatlarla çıxış etdilər. Tədbirdə məktəb rəhbəri, müəllim heyəti və məktəbin psixoloqu Aybəniz Zamanova iştirak etdilər.
