"Xocalı soyqırımı" uşaqların gözü ilə
Azərbaycan xalqı və onun dövləti Xocalı faciəsini heç vaxt unutmur və unutmayacaqdır. Ümummilli lider Heydər Əliyev 1 mart 1994-cü ildə bu haqda xüsusi Fərman vermişdir. Azərbaycan Respublikasının Milli Məclisinin Qərarı ilə 26 fevral "Xocalı soyqırımı və milli matəm günü" elan olunmuş, bu barədə bütün beynəlxalq təşkilatlara məlumat verilmişdir. 25 fevral 1997-ci ildə "Xocalı soyqırımı qurbanlarının xatirəsinə sükut dəqiqəsi elan edilməsi haqqında" Ulu öndər Heydər Əliyev tərəfindən Fərman verilmişdir.
105 nömrəli məktəbdə də " Xocalı soyqırımı uşaqların gözü ilə" adlı rəsm müsabiqəsi təşkil edildi. Şagirdlər böyük həvəslə müsabiqədə iştirak etdilər. Ən yaxşı şəkillər məktəbin ictimai lövhəsində yer almışdır.
