221 №-li tam orta məktəb

Məktəbin Azərbaycan dili və ədəbiyyat müəllimi Şəhla Dosiyavanın rəhbərliyi və 7 " C " sinif şagirdlərinin iştirakı ilə 25.04.2024 - cü il tarixində Akademik Zərifə Əliyevanın anadan olmasının 101 illiyinə həsr olunmuş dəyirmi masa təşkil olundu . Tədbir Azərbaycan Respublikasının Dövlət Himninin səsləndiirlməsi ilə başlandı . 7 " C " sinif şagirdləri Zərifə Əliyevanın zəngin ömür yolu , pedaqoji fəaliyyəti , tibb elminə verdiyi dəyərli töhfələr haqqında ətraflı məlumat verdilər . Tədbirin sonunda şagirdlərin ifasında ədəbi - bədii kompazisiya nümayiş olundu .

25.04.2024 - cü il tarixində məktəbin ibtidai sinif müəllimi Mətanət Mirzəyeva 4 " B " sinfində riyaziyyat fənnindən " Sahə " mövzusunda açıq dərs təqdim etdi . Şagirdlər dərsdə 4 qrup şəklində iştirak etdilər və rəngarəng iş vərəqlərindən istifadə etdilər . Dərs zamanı şagirdlər qrup işləri yerinə yetirdilər , mövzu ilə əlaqəli müxtəlif tapşırıqlar işlədilər . Dərsin sonunda müəllim komandaları dərsə uyğun meyarlarla qiymətləndirdi .

24.04.2024 - cü il tarixində məktəbin təbiət müəllimi Kəmalə Nuriyeva 5 " C " sinfində " Vulkanlar və qeyzerlər " mövzusunda açıq dərs təqdim etdi . Dərs zamanı vulkan elementləri , qeyzer haqqında və onların təsərrüfat fəaliyyəti , vulkanların əmələ gəlməsi , onların püskürməsi haqqında ətraflı məlumat verildi . Vulkanların əmələ gəlməsi və yaratdığı proseslər haqqında suallar cavablandırıldı . Şagirdlər qruplarla iş zamanı onlara verilən müxtəlif tapşırıqları yerinə yetirdilər . Vulkanın püskürməsi praktiki təcrübə ilə göstərildi .

Məktəbin ibtidai sinif müəllimi Zülfiyyə Cəlilova tərəfindən 1 “ E ” sinif şagidləri ilə riyaziyyat fənnindən “ Alış - veriş ” mövzusunda dərs keçirilib . Dərsin keçirilməsinin əsas məqsədi pulları tanımaq , qəpik , manat pulların iştirak etdiyi alış - veriş məsələlərində toplama , çıxma bacarıqlarını tətbiq etməkdən ibarət olub .

23.04.2024 - cü il tarixində məktəbin Azərbaycan dili və ədəbiyyat müəllimi Lalə Məmmədlinin təşkilatçılığı ilə Azərbaycan ədəbi - bədii fikrinin inkişafında müstəsna yer tutan , Yaxın və Orta Şərq ölkələri ədəbiyyatına mühüm təsir göstərən qüdrətli şair Məhəmməd Füzulinin anadan olmasının 530 illiyinə həsr olunmuş ədəbiyyat gecəsi keçirildi .

" Füzuli 530 " adlanan tədbirdə məktəb rəhbərliyi , Xətai rayon İcra Hakimiyyətinin İctimai - Siyasi və Humanitar Məsələlər şöbəsinin müdiri Pənah İmanov , şairə - publisist , " Qoşa Ulduz " jurnalının redaktoru Qızbəs Qəbələ , şairə - publisist Gülzar Şəmkirli iştirak edirdi .

Tədbirdə iştirak edən 5 " C " və 8 " C " sinif şagirdləri şairin qəzəllərindən parçalar səsləndirdilər , " Rindü - zahid " , " Leyli və Məcnun " , " Söhbətül - əsmar " əsərlərini səhnələşdirdilər .