UĞURLU KARYERANIN TƏMƏLİ
Bu gün Binəqədi rayonu, Həsən Cəbrayılov adına 99№li tam orta məktəbdə Azərbaycanın ilk özəl ali təhsil müəssisələrindən biri olan Qərbi Kaspi Universitetinin nümayəndələri məktəbin X-XI sinif şagirdləri ilə görüş keçirdi. Görüşün əsas məqsədi Qərbi Kaspi Universitetinin mahiyyəti, fəaliyyəti, ideoloji və tarixi nailiyyətləri haqqında qısa məlumatı şagirdlərə çatdırmaq, multikultural və milli dəyərlərə bağlı, ən müasir texnologiyalar, standartlar əsasında gələcək karyeralarında uğurlar qazanacaq, biznes, idarəçilik və peşəkar mütəxəssis kimi yetişməklərində istiqamət vermək idi.
Əlaqədar şəxslər “Niyə məhz Qərbi Kaspi Universitetini seçməli?” sualını əsas götürərək, Universitetin fakültələri, laboratoriya və mərkəzləri, beynəlxalq və akademik proqramları haqqında məlumat verərək, kitabçalar payladılar.