Məktəbin şagirdləri forumda iştirak etmişdirlər
Aprelin 30-da Təhsil Nazirliyi Respublika Uşaq – Gənclər İnkişaf Mərkəzi tərəfindən “Yaşıl şəbəkə” ekeoloji maarifləndirmə proqramı çərvivəsində Bakı məktəblilərinin ikigünlük V Ekoloji Forumu öz işinə başlayıb. Ölkəmizdə tətbiq olunan xüsusi karantin rejimi ilə əlaqədar olaraq cari ildə V Ekoloji Forum onlayn platformada təşkil edilib. Forumun keçirilməsində əsas məqsəd ətraf mühitin qorunması sahəsində məktəblilərin ekoloji biliklərinin artırılması, onlarda xüsusi bacarıq və səriştənin formalaşdırılması, “Yaşıl şəbəkə” devizi altında uşaq və gənclərin ekoloji hərəkatının genişləndirilməsi, 2019-cu ildə fəaliyyətinə dair təcrübə mübadiləsinin aparılmasından ibarətdir. Onlayn şəkildə keçirilən forumda məktəbin şagirdləri Lalə Quluzadə, Ceyla Bilalova, Gülnarə İbrahimli, Diana Marsukayeva, Nigar İsmayılzadə çıxış etmişdirlər.
