Psixoloq saatı: İntiharın profilaktikası
Cəmiyyətimizdə son günlərdə intihar hallarının çoxalması ciddi şəkildə narahat olmağa səbəbdir. Bu hallar daha çox yeniyetmə və gənclərdə rast gəlinir. Təbii ki, hər kəs intiharı öz fərqli səbəblərindən dolayı reallaşdırır, lakin onları birləşdirən ortaq cəhət də var. İntihar edənlərin hər biri problemlərinin yeganə həlli yolunu suisiddə (intiharda) görürlər. Son zamanlarda ölkəmizdə artmaqda olan uşaq və yeniyetmələrin özünə qəsd etmə hallarının səbəb və motivlər müxtəlifdir. Psixi və digər xəstəliklərin olması, narkotik və spirtli içkilərdən istifadə, erkən nikah, məişət zorakılığına məruz qalma və .s intihar hallarına səbəb olur.
Yeniyetməlik dövrü də məhs ən həsas dövrlərdəndir ki, bu dövrdə qeyri-sabit emosional sfera, emosiya və əhvalların idarə olunmaması, müstəqillik və fərdiyyətin özünü təsdiqi, böyüklərlə münaqişəli münasibətin meydana gəlməsi müşahidə olunur.
Bakı Şəhəri üzrə Təhsil İdarəsinin təlimatına uyğun olaraq, Mübariz Nəcəfov adına 86 nömrəli orta məktəbin psixoloqu Şəfəq Soltanova müəllim və valideynlərlə “İntiharın profilaktikası” mövzusunda maarifləndirici görüş keçirib. Suisid və onun mübarizə üsulları ilə əlaqədar ətraflı məlumat verib. Sonda mövzu ilə bağlı suallar cavablandırılıb.