“Bullinq” mövzusunda maarifləndirici seminar keçirilib
Noyabrın 27-də uşaq birliyi təşkilatı rəhbəri Fərqanə İlyasovanın təşkilatçılığı ilə VI-IX sinif şagirdləri üçün “Mənimlə danış” kampaniyası çərçivəsində “Bullinq” mövzusunda maarifləndirici seminar keçirilib. Seminarda həmçinin məktəbin direktoru və müəllimlər iştirak edib.
Seminarın əsas məqsədi məktəbdə sağlam mənəvi-psixoloji mühitin təmin edilməsi, təhsilalanların hər hansı fiziki və psixoloji zorakılıq hallarından qorunmasına yardımçı olmaqdan ibarətdir.
Seminarda məktəbdə və ailədə şagirdlərin sağlamlığının və təhlükəsizliyinin təmin edilməsi, tərbiyə işinin, məktəb-ailə münasibətlərinin düzgün tənzimlənməsi, təhsilalanlarda müsbət davranış modelinin formalaşdırılması barədə geniş məlumat verilib.
Şagirdləri maraqlandıran suallar ətrafında geniş diskussiyalar aparılıb. Tədbir çərçivəsində “Mənimlə danış” kampaniyasından bəhs edən videoçarx nümayiş olunub.
