“Dördgünlük müharibə. Böyük qələbənin başlanğıcı” mövzusunda sinif təşkilat saatı keçirilib
Məktəbin illik fəaliyyət planına uyğun olaraq aprelin 2-də Aprel döyüşlərinə həsr olunmuş sinif təşkilat saatları keçirilib. Aygün Ağayeva 4”B” sinfində “Dördgünlük müharibə. Böyük qələbənin başlanğıcı” mövzusunda sinif təşkilat saatı keçirib.
Məqsəd Azərbaycan ordusunun Aprel döyüşləri zamanı qazandığı qələbəni məktəb şagirdləri arasında təbliğ etmək, onlara bu barədə məlumat verməkdir.
İlk əvvəl Azərbaycan Respublikasınınn suverenliyi uğrunda həlak olmuş şəhidlərin əziz xatirəsi bir dəqiqəlik sükutla yad edilib. Tarixi qələbəmizin Azərbaycan dövlətinin, ordusunun, əsgərinin gücünü nümayiş etdirdiyi bildirilib.
Şagirdlərə aprel döyüşlərində əsgərlərimizin göstərdikləri şücaətlərdən bəhs olunan videoçarxlar nümayiş etdirilmişdir.
