Şahmat turniri keçirildi
Məktəbin fəaliyyət planına uyğun olaraq məktəbimizin idman müəllimi Məhərov Səxavətin təşkilatçılığı ilə ibtidai siniflər arasında “Gələcək çempionlar sıramızdadır” adlı məktəbdaxili şahmat turniri keçirildi. Turnirin əvvəlində məktəbin direktoru Fərqanə Abbasova çıxış edərək turnirin mahiyyətindən və qaydalardan danışdı. Daha sonra şagirdlər arasında püşkatma keçirildi və yarışa start verildi. Maraqlı və gərgin mübarizə şəraitində keçən yarışda qalib şagirdlərə rəhbərlik tərəfindən diplomlar verildi.
