“RAYONUMUZU TANIYAQ VƏ TANIDAQ” MÖVZUSUNDA TƏDBİR KEÇİRİLDİ
Şagirdlərdə Azərbaycan tarixi və coğrafiyası üzrə praktik bilik və bacarıqların artırılması, onların bu istiqamətdə məlumatlılıq səviyyəsinin təkmilləşdirilməsi və genişləndirilməsi, eləcə də şagirdlər tərəfindən yaşadıqları ərazinin tarixi, flora və faunası, mədəniyyət abidələri, tanınmış şəxsiyyətləri haqqında məlumatların toplanması məqsədi ilə məktəbin 4Ə sinifinin müəllimi Kərimova Sədaqət və 4G sinifinin müəllimi Səmədova Jalənin təşkilatçılığı ilə “Rayonumuzu tanıyaq və tanıdaq” mövzusunda nümunəvi dərs təşkil edilmişdir. Nümunəvi dərsdə şagirdlər Sabunçu rayonunda yerləşən qəsəbələr, tarixi abidələr, dünya şöhrətli ədəbiyyat və incəsənət xadimləri barədə məlumat verərək, hazırladıqları divar qəzetlərini və çəkdikləri şəkilləri nümayiş etdirdilər.