Dərsdinləmələr keçirilib
2022-2023-cü tədris ilində məktəbin "Fəaliyyət Planı"nın 1.3 bölməsinin - peşəkar inkişaf və metodiki xidmətin təşkili üzrə 1.3.1 bəndinə əsasən vaxtaşırı olaraq dərsin məqsədlərinin mövcudluğuna istiqamətlənmiş dərsdinləmələr keçirilir. Riyaziyyat aylığına təsadüf edən bu dəfəki dərsdinləmələr 11 b və 11 c siniflərində davam etdi. Riyaziyyat müəllimləri Musayeva Səkinə, Zeynalova Zəkiyyənin dərslərini müşahidə edən zaman dərsin məqsədi, standartlara və məzmuna uyğunluğu, onların dərsin məqsədinin reallaşmasına xidmət edən fəaliyyətləri, qiymətləndirmə meyarları və s. proseslər məktəbin direktoru və direktor müavini tərəfindən qeyd olundu. Dərsdinləmənin sonunda direktor Yasin Quliyev müəllimlərə müvafiq tövsiyyər verərək onların peşəkarlıq qabiliyyətlərinin daha da təkmilləşməsini arzu etdi.
