Bakı Dövlət Peşə Təhsil Mərkəzinə ekskursiyası
Azərbaycan Respublikası Təhsil Nazirinin 29.07.2021-ci il tarixli F-382 nömrəli əmrinə 1 nömrəli əlavəyə uyğun olaraq "Ümumtəhsil müəssisələrində peşəyönümü xidmətinin təşkili"üzrə Fəaliyyət Planına əsasən 71 nömrəli tam orta məktəbin təlim-tərbiyə işləri üzrə direktor müavini Zərifə Cəfərova və peşəyönümü üzrə koordinatoru Abidə Sadıqovanın təşkilatçılığı ilə "Təhsilalanların hər hansı peşə istiqaməti üzrə əmək və sahibkarlıq fəaliyyətinə marağının öyrənilməsi"ni təmin etmək məqsədi ilə 9-cu sinif şagirdlərinin Mədəniyyət və Sənətkarlıq üzrə Bakı Dövlət Peşə Təhsil Mərkəzinə ekskursiyası təşkil edildi. Böyük maraqla bu ekskursiyada iştirak edən şagirdlər müxtəlif peşə sahələri ilə yaxından tanış oldular.
