Ümumdünya Mülki Müdafiə Günü qeyd olunub
Bu gün 1 mart Ümumdünya Mülki Müdafiə Günü münasibətilə məktəbin 2 a, 6 ə siniflərində sinif rəhbərləri Salahova Rəna və Quliyeva Gülnazın iştirakı ilə maarifləndirici tədbirlər keçirilmişdir.
Əsası 1972-ci ildə qoyulan Beynəlxalq Mülki Müdafiə Təşkilatının yaradılması şərəfinə qeyd edilən bu gün hər il bütün qitələrdə kütləvi humanitar tədbir kimi qeyd edilir.
Azərbaycan bu nüfuzlu beynəlxalq təşkilatın tərkibinə 1993-cü ildə daxil olub. Beynəlxalq Mülki Müdafiə Günü hər il konkret bir problemin həllinə həsr edilir. Əhalinin mühafizəsini təşkil etmək, fövqəladə hallardan mühafizə sahəsində əhalinin hazırlığını təmin etmək mülki müdafiə orqanlarının qarşısında bir nömrəli vəzifə kimi durur.
