"Bir şahidin beş şəhidi"
2021-2022-ci tədris ilində məktəbin Fəaliyyət planının 1.4.5. bəndinə əsasən fənn aylıqlarının keçirilməsi ilə bağlı tədbirlər planı çərçivəsində dil-ədəbiyyat fənn aylığı davam edir.
Məktəbin dil-ədəbiyyat müəllimi, həm də dil-ədəbiyyat metodbirləşmə rəhbəri Afət Tağıyeva 9 a sinfində nümunəvi dərs keçmişdir. "Bir şahidin beş şəhidi" mövzusunda olan dərs "Xocalı faciəsi"indən bəhs edən "Xoca" filminin nümayişi ilə başladı və mövzu üzrə qoyulan tədqiqat sualı qruplara bölünən şagirdlər tərəfindən araşdırıldı. Faciənin təfərrüatlarının şagirdlər tərəfindən açıqlanması ilə yanaşı, qoyulan standartlara uyğun qrammatik tapşırıqlar da şagirdlər tərəfindən yerinə yetirildi.
Bu cür nümunəvi dərslərin keçirilməsində məqsəd tədrisin keyfiyyətinin yüksəldilməsi, daha da təkmilləşdirilməsi və müvafiq metod və üsulların yayılmasıdır. Dərsdə məktəb rəhbərliyi və müəllimlər iştirak etmişlər.
