Böyük Summativ Qiymətləndirmələr keçirilib
2021-2022-ci tədris ili üzrə məktəbin fəaliyyət planının 1.2.30 bəndinə əsasən 24 yanvar tarixindən şagird nailiyyətinin qiymətləndirilməsi məqsədilə I yarımil üzrə Böyük Summativ Qiymətləndirmənin keçirilməsinə start verilib.
Böyük Summativ Qiymətləndirmə IV, IX və XI siniflərdə bütün fənlər üzrə, digər siniflərdə isə, buraxılış fənləri - Azərbaycan dili, Riyaziyyat və İngilis dili fənləri üzrə həyata keçirilir. BSQ-nin keçirilməsində əsas məqsəd müvafiq məzmun və dəyərləndirmə standartları əsasında hazırlanmış vasitələrlə şagirdlərin nailiyyətlərini üzə çıxarmaq, bilik və bacarıqlarını yoxlamaqdan ibarətdir. Bu məqsədlə məktəbin direktoru Yasin Quliyev direktoryanı müşavirə keçirmişdir. Müşavirədə təlim-tərbiyə işləri üzrə direktor müavinləri Zərifə Cəfərova, Elnurə İsmayılova və metodbirləşmə rəhbərləri iştirak etmişlər.
Məktəb rəhbəri bəzi təlimati tapşırıqlar vermiş və qiymətləndirmənin şəffaf keçirilməsi, müvəffəqiyyətlə başa çatdırılması üçün uğurlar arzulamışdır. Şagirdlərin I yarımillik qiymətləndirilməsində onların BSQ-dən aldıqları qiymətlər müvafiq olaraq nəzərə alınır.
