"Aşıq Ələsgər yaradıcılığının inciləri"
Azərbaycan Respublikası təhsil nazirinin 26.07.2021-ci il tarixli F- 372 nömrəli əmri ilə təsdiq olunmuş "Aşıq Ələsgərin 200 illik yubileyinin qeyd edilməsi ilə bağlı Təhsil Nazirliyinin Tədbirlər Planı"na əsasən məktəbimizin dil-ədəbiyyat müəllimləri-Tağıyeva Afət, Qədimova Səadət, Kərimov Taqətin rəhbərliyi ilə şagirdlərimizin təqdimatında "Aşıq Ələsgər yaradıcılığının inciləri" adlı tədbir keçirilmişdir.
Şagirdlərimizin ifasında aşığın həyatının bəzi məqamları, həmçinin, şairin dövrünün məsələlərinə münasibətini əks etdirən şeirləri, eləcə də sözlərinə bəstələnən müsiqilər tədbir iştirakçılarının nəzərinə çatdırıldı.
Tədbirin keçirilməsində əsas məqsəd şagirdlərimizə milli-mənəvi dəyərlərimizə sahib çıxmağı aşılamaqdan ibarət idi. Tədbirdə məktəb rəhbərliyi, müəllimlər və şagirdlər iştirak etmişlər və sonda məktəbin direktoru Yasin Quliyev çıxış edərək arzularını bildirmiş və bundan sonrakı məktəb tədbirlərində də bu cür nümunəvi ifalar etmələri üçün şagirdlərə uğurlar diləmişdir.
