15 sentyabr – “Bilik günü”
15.09.2018-ci il tarixdə məktəbimizdə “Bilik günü” böyük coşğu ilə qeyd edildi. Tədbir Dövlət himninin sədaları altında başladı. Məktəbin direktoru Qarabəyli Hicran müəllimə şagirdləri, müəllimləri, valideynləri və məktəbə ilk dəfə I sinflərə qədəm qoyan uşaqları təbrik etdi və onlara xoş arzularını bildirdi. Gənc nəslin layiqli vətəndaş kimi yetişməsində məktəbin mühüm rol oynadığını qeyd edən Hicran müəllimə ilk dəfə məktəbə qədəm qoyan uşaqların gələcəkdə Vətənimizə ləyaqətlə xidmət edəcəklərinə əminliyini ifadə etdi.
Tədbirdə çıxış edən valideynlər dövlətimiz tərəfindən təhsilə göstərilən diqqət və qayğıya görə minnətdarlıqlarını bildirdilər. Şagirdlərin ifasında şeirlər səsləndi, rəqslər ifa edildi. Sonda məktəbin rəmzi açarı birincilərə təqdim olundu.
