“Şahin” hərbi-idman oyunu
Gənclərin vətənpərvərlik tərbiyəsində müstəsna əhəmiyyəti olan “Şahin” hərbi-idman oyunu 13 apreldə Azərbaycan Ali Hərbi Məktəbində keçirildi. Məktəbi VIII-X sinif şagirdlərindən ibarət 14 nəfərlik komanda təmsil edirdi. Yarışlar 8 mərhələdən ibarət idi. Sıra hazırlığı, darağa patronun doldurulması və boşaldılması, avtomatın sökülməsi və yığılması, tüfəngdən hədəfə atəş açmaq, fiziki hazırlıq, maneələrin dəf olunması, çadırın qurulması və maskalanması mərhələlərində iştirak edən komanda 5-ci yerə layiq görüldü.
