Viktorina qaliblərimiz
16 mart tarixində AMEA Milli Azərbaycan Tarixi Muzeyində Azərbaycan Cümhuriyyətinin 100 illiyinə həsr olunmuş “Azərbaycan tarixi” mövzusunda məktəblərarası viktorina keçirildi. Viktorinada Bakı şəhər məktəbləri iştirak edirdi. Bizim məktəbi X-XI sinif şagirdlərindən ibarət “Odlar yurdu” komandası təmsil edirdi. Gərgin mübarizə ilə keçən viktorinada məktəbimizin komandası I yerə layiq görüldü və diplomla mükafatlandırıldı. Diplomları AMEA Milli Azərbaycan Tarixi Muzeyinin direktoru akademik Nailə Vəlixanlı komandamıza təqdim etdi və xatirə şəkli çəkdirildi.
