“Xocalı qan yaddaşımızdır!” inşa yazı müsabiqəsi
Xocalı soyqırımının 26-cı ildönümü ilə bağlı tədbirlər həyata keçirilməkdədir. Fevralın 22-də 5 nömrəli tam orta məktəbdə bu faciəli gün ilə bağlı yuxarı sinif şagirdləri arasında “Xocalı qan yaddaşımızdır!” başlığı altında inşa yazı müsabiqəsi keçirildi. Şagirdlər onlara ayrılmış vaxt çərçivəsində 1992-ci il fevralın 25-dən 26-na keçən gecə Ermənistan silahlı qüvvələri tərəfindən Rusiyanın 366-cı motoatıcı alayının iştirakı ilə Xocalı şəhərini işğal edərək etnik Azərbaycanlılara qarşı baş vermiş soyqırımhaqda öz fikir və mülahizələrini ağ kağız üzərinə köçürdülər.Yazılmış inşalarda şagirdlər Xocalı faciəsini bəşəriyyətə qarşı törədilmiş ən böyük cinayət adlandırdılar və insanlığa qarşı cinayət törədənlərin cəzasız qalmayacaqlarına əminliyini bildirdilər.