100 illik
Şərqdə ilk demokratik dövlət olan Azərbaycan Xalq Cümhuriyyətinin yaranmasının 100 illiyi münasibətilə məktəbimizin şagirdlərinin əl işləri, rəsmlərdən ibarət guşə təşkil edilmiş, divar qəzetləri çıxarılmışdır. 24 may 2018-ci ildə məktəbdə “Uşaqlar bizim gələcəyimizdir” başlığı altında bu münasibətlə böyük bir tədbir keçirildi. Tədbirdə bütün yaş həddində olan şagirdlər rəngarəng nömrələrlə şanlı keçmişimizdən, bu keçmişin tarixi əhəmiyyətli məqamlarından, Azərbaycanımızın bu günündən, uğurlarından söhbət açdılar.
Məktəbdə fealiyyət göstərən ingilis dili mərkəzinin iştirakçıları ingiliscə dahi M.Fizulinin “Leyli və Məcnun” poeması əsasında hazırladıqları səhnəciklə tamaşaçıların qarşısında çıxış etdilər. Tədbirin sonunda məktəbin direktoru N.Axundova AXC-nin yaranmasının 100 illiyi münasibətilə keçirilmiş inşa yazı müsabiqəsində,”Oxu günü”ndə uğurla iştirak etdiklərinə görə bir neçə şagirdə, Nərimanov Rayon Gənclər və İdman İdarəsinin və “Yeni Gələcək” Gənclərinin Maarifləndirilməsi İctimai Birliyinin birgə təşkilatçılığı ilə keçirilmiş layihədə “Narkomaniya –ağ ölüm!” adlı esse və rəsm müsabiqəsində fərgləndiyi üçün IXd sinif şagirdi Həmidov Elcana fəxri fərmanlar təqdim edildi.