Kərimli Elvin – İlk 700 balımız!!!
XIrisinfinin şagirdi Kərimli Elvin Eyvaz oğlu DİM-in keçirdiyi III ixtisas qrupu üzrə imtahanında 700 bal toplamışdır. Daim oxumağa böyük həvəs göstərən, bütün fənlər üzrə bilik dairəsini genişləndirməyə çalışan Kərimli Elvinin bu uğuru məktəbin tarixində ilk 700 ballıq təlim nəticəsidir.
Kərimli Elvin 2015-ci ildə Zərifə Əliyevanın xatirəsinə həsr olunmuş “Qələbəyə doğru” kuboku uğrunda intellektual oyunda fəal iştirakına görə diplom,“Bilik yarışında” 9-cu siniflər üzrə 613 bal toplayaraq II yer, 2016-cı ildə Azərbaycan İntellektual Klublar Assosiasiyasının “Nə? Harada? Nə zaman?” yarışında I yer, “Gənc fiziklərin yaradıcılıq müsabiqəsi”nin final mərhələsində iştirak etmiş, Nərimanov rayonu üzrə keçirilmiş “Gənc fiziklərin yaradıcılıq müsabiqəsində” uğuruna görə II yer, 2017-ci ildə “Hədəf bilik yarışması-2017” - də III yer , YAP-ın yaranmasının 25-ci ildönümünə həsr olunmuş Nərimanov rayonu üzrə orta məktəb komandaları arasında keçirilmiş “ Şanlı tarix – 25” yarışında I yer tutmuş. O həmdə AzTv-də yayımlanan“Əlaçı” televiziya verilişinin iki dəfə qalibi olmuşdur.
“Xəzər”, “ATV”, “ Lider TV”, “ Space TV”, APA və digər telekanallar bu gün məktəbimizdə olmuş,Kərimli Elvinin imtahanın gedişinə dair təəssüratları, gələcək planları haqqında fikirlərinə dair suallara cavabları işıqlandırılmışdır. Məktəbin direktoru , ona dərs deyən müəllimlər Kərimli Elvinə aid fikirlərini söyləmiş, bu şagirdin çalışqanlığı, daim irəliyə doğru can atması, hər şeylə ətraflı şəkildə maraqlanması haqqında xoş sözlər söyləmişlər.