Müəlliməmizin uğuru
Mayın 23-də Təhsil Nazirliyi tərəfindən elan olunan təhsildə inkişaf və innovasiyalar üzrə 2-ci qrant müsabiqəsinin yekunu ilə bağlı brifinq keçirilib.
Təhsil Nazirliyinin Təhsilin inkişafı proqramları şöbəsinin müdiri Emin Əmrullayev brifinq iştirakçılarına məlumat verərək bildirib ki, müsabiqə dövlət ümumi təhsil müəssisələri və bu müəssisələrdə çalışan pedaqoji işçilər üçün elan edilib. Müsabiqəyə ümumi təhsil müəssisələri və fərdi kateqoriya üzrə ümumilikdə 850 layihə təklifi daxil olub.
Təşkilat Komitəsi Ekspert Qrupunun rəyi əsasında ümumi təhsil müəssisələri kateqoriyası üzrə 41, fərdi kateqoriya üzrə 125 layihənin dəstəklənməsini məqsədəuyğun sayıb. Müsbət qərar verilən 166 layihənin maliyyələşdirilməsi Təhsil Nazirliyi tərəfindən təsdiqlənib.
Fərdi kateqoriya üzrə müsabiqə çərçivəsində qalib gəlmiş layihələr içərisində məktəbimizin riyaziyyat müəllimi Hacıyeva Leylanın "Riyaziyyat olimpiadalarına hazırlıq üçün ilkin vəsaitlər" adlı layihəsi qalib olmuşdur!Müəlliməmizi ürəkdən təbrik edir,ona uğurlar arzulayırıq!
