Azərbaycan Xalq Cümhuriyyətinin 100 illik yubileyinə həsr olunmuş tədbir
“Azərbaycan Xalq Cümhuriyyətinin 100 illik yubileyinin keçirilməsi barədə” Azərbaycan Respublikası Prezidentinin əmrinə və Bakı Şəhəri üzrə Təhsil İdarəsinin 07.02.2018-ci il tarixli əmrinə əsasən məktəbimizdə tədbir keçirildi.Tədbir dahi bəstəkar Üzeyir Hacıbəyovun bəstələdiyi Azərbaycan Xalq Cümhuriyyətinin ilk himni ilə başladı. Tarix müəlliməsi Tanqrıverdiyeva Gülnarənin şərqdə ilk demokratik dövlət olan ADR-in yaranma tarixi haqqında verdiyi sualları cavablandırdıqdan sonra şagirdlər hazırladıqları təqdimatları nümayiş etdirdilər. Azərbaycan Xalq Cümhuriyyəti dövründəki sosial-iqtisadi vəziyyət barədə 8 ”Ç” sinif şagirdləri Hüseynov Mübariz və Ağayev Ağa,ordu quruculuğu haqqında 10 ”A” sinif şagirdi Uğuzova Lalə,xarici siyasət haqqında 8 ”B” sinif şagirdləri Əsgəri Aydan və Qasımlı Püstəxanım,mədəni-kütləvi tədbirlər haqqında isə 8 ”Ç” sinif şagirdi Mövsümova Gültac və 7 ”Ç” sinif şagirdi Mövsümov Qadir hazırladıqları prezentasiyaları təqdim etdilər.Mövsümova Gültac bu mövzuda hazırladığı bukletləri müəllimlərə və şagirdlərə payladılar.Sonra sənədli film nümayiş etdirildi.Tədbirin sonunda şagirdlər “Cümhuriyyət” mahnısını ifa etdilər.
