“Kiçik Akademiya”nın məktəblərarası növbəti seminarı
Dünən Nərimanov rayon 291 saylı məktəb-liseydə “Kiçik Akademiya”nın məktəblərarası növbəti seminarı keçirildi. Bu dəfə seminarın mövzusu “Dünya bizim evimizdir” idi. Bu mövzunun seçilməsi də təsadüfi deyil. Çünki aprel ayında həm “Torpaq ” günü ,həm də “Sağlamlıq” günü kimi qeyd edilir. Seminarda dörd məktəbin şagirdləri çıxış edirdilər. Bizim məktəbi seminarda rus bölməsindən 10 ”Ç” sinif şagirdi Şıxməmmədbəyova Simuzər təmsil edirdi. Şagirdimiz hər iki mövzuda danışaraq maraqlı məlumatları və prezentasiyaları ilə yadda qaldı. Münsiflər heyəti və şagirdlər tərəfindən verilən müxtəlif sualları cavablandırdı. Sonda şagirdimiz münsiflər heyəti tərəfindən Fəxri fərmanla təltif edildi.