"Cənnətdən baxan gözlər"
Noyabrın 5-də məktəbin akt zalında "Zəfər Günü"nə həsr edilmiş "Cənnətdən baxan gözlər" adlı geniş tədbir keçirildi. Tədbirdə məktəb rəhbərliyi,şəhid valideynləri və məktəbin bir qrup müəllim və şagirdləri iştirak edirdi. Tədbirdə əvvəlcə himn səsləndirildi, sonra vətən uğrunda canını fəda etmiş şəhidlərimizin əziz xatirəsi 1 dəqiqəlik sükutla yad edildi. Sonra məktəbin 5 "B" sinif şagirdləri vətənpərvərlik və "Zəfər Günü"nə həsr edilmiş şeirlər səsləndirdi,mahnılar oxudu və rəqslər nümayiş etdirdilər. Sonda şəhid valideynləri çıxış edərək "Zəfər" üçün canından keçən övladlarını unutmamağı və şagirdləri onlar kimi vətənpərvər olmağa səslədilər.
