44 günlük müharibədə Müzəffər Ali Baş Komandan İ.H.Əliyevin rolu
Mayın 24-də məktəbin akt zalında “Zəfər tarixi”nin konfransı keçirildi.Bakı Şəhəri üzrə Təhsil İdarəsinin əmri ilə ümumi təhsil müəssisələrində 2022-ci ilin aprel-noyabr aylarında interaktiv şəkildə “Zəfər tarixi” adlı konfranslar təşkil edilir. Konfransda məktəbin direktoru G.Hənifəyeva, Tərbiyə İşləri üzrə direktor müavini U.Qasımova, 3 müəllim və 30 şagird iştirak edirdi.Konfrans iştirakçıları əvvəlcə Qarabağ müharibəsində həlak olan şəhidlərimizi 1 dəqiqəlik sükutla yad etdilər.Konfransda məktəbin tarix müəllimi K.İbrahimova 9-cu sinif şagirdlərinin iştirakı ilə Zəfər tariximiz barədə izləyicilərə məlumat verdi. Sonra Azərbaycanın ərazi bütövlüyü uğrunda şücaət göstərərək şəhidlik zirvəsinə ucalmış oğullarımız barədə video- süjetlər nümayiş etdirildi.Məqsəd şagirdləri Zəfər tariximiz barədə məlumatlandırmaq, Azərbaycanın ərazi bütövlüyü uğrunda vuruşan, şəhid olan qəhrəmanlarımızı şagirdlər arasında tanıtmaq, gənc nəsli vətənpərvərlik ruhunda tərbiyə etməkdir.
