Yeni İl Olimpiadasına start verildi
31 dekabr Dünya Azərbaycanlılarının həmrəylik günü və Yeni il münasibətilə, eləcə də velosiped idman növünə marağı artırmaq məqsədilə V, VI və VII sinif şagirdləri üçün Azərbaycan Velosiped İdmanı Federasiyası və "İSMA" velosiped zavodunun birgə təşkilatçılığı, Bakı şəhər Təhsil İdarəsi ve IB klubun dəstəyi ilə dekabr ayının 21-dən 30-dək Respublika Velotrekində yerləşən Velosiped Muzeyi, "İSMA” velosipedlərinin Sərgi-Satış Mərkəzi, velosiped treki, BMX stadionu, idmançıların təlim-məşq şəraitləri ilə tanışlığa və Azərbaycan tarixi, vətənpərvərlik, o cümlədən velosiped idmanına aid suallardan tərtib olunmuş Yeni İl Olimpiadasına start verdi.Yasamal rayonu 308 nömrəli tam orta məktəbin idman sahəsi üzrə olimpiadada yüksək nəticə göstərmiş şagirdləri də iştirak etdilər.
Respublika Velotreki ilə tanışlığın son günü - 30 dekabr tarixində bilik olimpiadasinda yüksək nəticə göstərmiş şagirdlər üçün final mərhələsi keçiriləcək və qaliblərə federasiya tərəfindən diplom, "İSMA” zavodunun istehsalı olan velosiped hədiyyə ediləcək. Dəstəyə görə Faud Rəsula təşəkkür edirik.
