Novruz
19 mart 2019-cu il tarixində məktəbimizdə Novruz bayramına həsr edilmiş “Novruz gəlir, yaz gəlir” adlı tədbir keçirildi.
Məktəbin direktoru Vahid Muradov tədbiri açıq elan etdi və vurğuladı ki, Azərbaycan xalqının qədimlərdən bu günədək sevə-sevə qeyd etdiyi belə bayramlardan biri də Novruz bayramıdır.
Məktəbin tərbiyə işləri üzrə direktor müavini (təşkilatçı) Sabir Şahhüseynov Novruz bayramını martın 21-nə və ya 22-nə, yaz gecə - gündüz bərabərliyinə təsadüf olunduğunu qeyd etdi.
Məktəbin tarix müəllimi Nüşabə Cəfərova çərşənbələr haqqında məlumatlar verdi. Məktəbin şagirdləri milli oyunlarımızı nümayiş etdirdilər, şerlər söylədilər və sazda xalq mahnılarını ifa etdilər.
Eyni zamanda məktəbimizin şagirdləri martın 21-də rayonda keçirilən “Novruz bayramı”na həsr edilmiş tədbirdə də iştirak etdilər.
