Bayraq Günü
Məktəbimizdə “Azərbaycan Respublikasının Bayraq Günü” 9 noyabr tarixində təntənəli şəkildə qeyd olundu.
“ Bayrağımız - Qürur yerimiz” adlı tədbirdə məktəblilər Dövlət bayrağımız altında yürüş etdilər.
Tədbir Azərbaycan Respublikasının Dövlət Himninin oxunması ilə başlandı. Dövlət bayrağımızın- bir müstəqillik rəmzi kimi tarixçəsi haqqında uzun- uzadı çıxışlar olundu .
Məktəbin direktoru Vahid Muradov çıxış edərək Üçrəngli Dövlət bayrağımız haqqında məlumat verdi. Məktəbin tərbiyə işləri üzrə direktor müavini Sabir Şahhüseynov Azərbaycan bayrağının rəmzi mənalarını, bayrağımızın müqəddəsliyi barədə cıxış etdi.
Məktəbimizin tarix müəllimi Nüşabə Cəfərova, Azərbaycan dili və ədəbiyyat müəllimi Aynur Sadıqova çıxışlarlarında şagirdlərimizə Müstəqil Azərbaycanımızın müqəddəs rəmzi olan bayrağımzın qürurla daşımalarını arzuladılar. Bu üçrəngli müasir, müqəddəs bayrağımızın Qarabağda, Xankəndində, Şuşada dalğanacağı günü səbirsizliklə gözlədiklərini söylədilər.
Şagirdlərimizin ifasında şeirlər dinlənildi. Musiqi nömrələri nümayiş etdirildi. Tədbirin sonunda şagirdlərimiz əsgər geyimində, əllərdə Üçrəngli Azərbaycan bayrağı “Azərbaycanın əsgər marşı” ifa edərək hər zaman bu müqəddəs bayrağı daim qorumağa hazır olduqlarını göstərdilər.
Məktəbimizin müəllim kollektivi də şagirdlərimizlə birgə bu möhtəşəm marşı ifa etdilər.
