9 May
9 May Faşizm üzərində qələbənin ildönümü münasibətilə məktəbimizdə tədbir keçirildi. Tədbiri tərbiyə işləri üzrə direktor müavini Sabir Şahhüseynov açıq elan etdi.
Sabir Şahhüseynov şagirdlərə Azərbaycan xalqının II Dünya müharibəsində göstərdiyi qəhrəmanlıqlardan, müharibənin qələbəsində əsas rol oynayan Bakı neftindən, igid oğullarımızın, qızlarımızın şücaətindən danışdı.
Şagirdlərimiz Azərbaycan igidlərinin cəsarətinə, hünərinə həsr edilmiş şeirlər söylədilər, musiqilər ifa etdilər.
Tədbirdə dahi partizan Mehdi Hüseynzadənin həyat yolu haqqında müharibədə nümayiş etdirdiyi fədakarlıq barədə şagirdlərimiz çıxış etdilər.
Müharibə dövrünü əks etdirən filmlərdən fraqmentlər göstərildi.
