Müşfiq-ölməz şairdir
20 Aprel 2018-ci il tarixdə məktəbimizdə “Oxu tədbiri” çərçivəsində məktəbin Azərbaycan dili və ədəbiyyat müəllimi Aynurə Sadıqovanın təşkil etdiyi “Müşfiq-ölməz şairdir” adlı ədəbi – bədii kompazisiya keçirildi. Tədbirdə “ Dərələyəz” qəzetinin baş redaktoru Raqub Kamalov, şair Alim Dərələyəzli, ziyalılar, məktəbin müəllim heyəti iştirak edirdi. Məktəbimizin şagirdləri , müəllimlər bu nakam şairin keçdiyi qısa , mənalı həyat yolu barədə şeirlər söylədilər, faktlar danışdılar.
Şagirdlərin Mikayıl Müşfiq yaradıcılığına, onun əsərlərinə olan marağı barədə geniş mütaliələrinin nəticələrini onların çıxışlarında, odlu-alovlu ifalarında aydın gördük, şagirdlərin oxu bacarıqları, mütaliəyə olan maraqlarının çox yüksək səviyyədə olduğunu məktəblilərin gözəl şairimizin əsərlərindən, həyat fəaliyyətindən göstərdikləri səhnələri, ifa etdikləri şeirləri seyr edərkən şahidi olduq.
