Azərbaycan Xalq Cümhuriyyəti 100
Məktəbimizdə Azərbaycan Xalq Cümhuriyyətinin 100 illik yubileyinin keçirilməsi ilə bağlı bir çox mühüm silsilə tədbirlər təşkil edilmişdir.
Məktəbin IX-XI sinif şağirdləri arasında “Müstəqilliyimiz əbədidir” mövzusunda inşa yazı müsabiqəsi keçirildi. Müsabiqə qalibləri müəyyən olunaraq mükafatlandırıldılar. Şagirdlərimiz arasında “Azərbaycan Xalq Cümhuriyyəti ili” milli özünüdərkin gerçəkləşməsi üçün zəmindir mövzusunda “Ən yaxşı şair ifaçısı” müsabiqəsi təşkil olundu.
Məktəbin şagirdləri Xalq Cümhuriyyətinə, Azərbaycanın əbədi müstəqilliyinə həsr olunmuş şeirlər söylədilər.
Siniflərdə Xalq Cümhuriyyətinin yubileyi ilə əlaqədar elmi kitablardan ibarət guşələr yaradıldı, divar qəzetləri, bülletenlər hazırlandı.
Yubiley çərçivəsində şagird və müəllimlər üçün “Azərbaycan Xalq Cümhuriyyəti Şərqdə və Müsəlman dünyasında ilk parlamentli demokratik respublikadır” mövzusunda seminar təşkil olunmuşdur. Şagirdlərimizə sənədli və bədii filmlər nümayiş etdirilərək cümhuriyyət dövrünü əks etdirən tarixi faktlar müzakirə edilmişdir.
12 Aprel 2018-ci il tarixdə “Azərbaycan Demokratik Xalq Cümhuriyyətinin 100 illik yubileyinə həsr olunmuş tədbir təşkil olundu. Məktəblilərimiz tədbirdə müxtəlif şeirlər söylədilər, mahnılar ifa etdilər.
Tədbirdə məktəbin tərbiyə işləri üzrə direktor müavini S. Şahhüseynov, məktəbin təlim-tərbiyə işləri üzrə direktor müavini M. Cəfərova, məktəbin direktoru V. Muradov çıxış edərək Azərbaycan Xalq Cümhuriyyəti barədə məktəblilərə ətraflı məlumat verdilər.
Məktəbin Azərbaycan dili və ədəbiyyat müəllimi Aynur Sadıqova Azərbaycan Xalq Cümhuriyyəti dövründə Azərbaycan ədəbiyyatı barədə, həmin dövr Azərbaycan ədəbiyyatı tarixindən faktlar söylədi.
