Novruz
19 mart 2018-ci il tarixində məktəbimizdə “ Novruz gəlir, yaz gəlir” adlı tədbir təşkil olundu. Tədbiri məktəbin direktoru V. Muradov açıq elan etdi. Şagirdləri və məktəbin müəllim kollektivini təbrik etmək üçün məktəbin tərbiyə işləri üzrə direktor müavini S.Şahhüseynova söz verildi. Sabir müəllim çıxış edərək Azərbaycan xalqını, vətənimizin övladlarını bu milli bayramımız münasibətilə təbrik etdi. Onların şən, firavan olmasını arzuladı.
Məktəbin təlim- tərbiyə işləri üzrə direktor müavini Mahnur Cəfərova çıxış edərək müəllim və şagirdləri bayram münasibətilə təbrik etdi. 296№ li məktəbdə özündə ən gözəl mənəvi dəyərləri birləşdirən bu milli bayramımız barədə divar qəzetlərində şagirdlərimiz müxtəlif yazılar, cərşənbələr barədə məlumatlar qeyd etdilər.
Məktəbimizin həyətində tonqal yandırıldı. Şagird və müəllim kollektivi tonqal ətrafında milli bayramımıza həsr olunmuş mahnılar oxuyaraq, şeirlər söyləyərək, rəqs edərək daha da şənləndirdilər. Məktəbin IX sinif şagirdləri milli kinolarımızdan səhnəciklər nümayiş etdilər. Novruzun sinvolu olan kosa, keçəl, Bahar qızının gəlməsi məclisi daha da şənləndirdi. IX sinif şagirdləri Bayramov Kənan, Qasımov Şövqi milli rəqs nömrələrini məharətlə ifa etdilər. Bundan əlavə şagirdlərimizin Novruzla bağlı inam, inancları dinlənildi. V sinif şagirdləri “ cərşənbələr” haqqında deyimlər söylədilər. I sinif şagirdi balaca Nərmin milli oyun havasının sədaları altında gözəl rəqs nümayiş etdirdi.
Şagirdlərimiz Bahar qızının gəlişinə şeirlər söylədilər, milli rəqslər oynadılar, milli adət- ənənələrimizi nümayiş etdirdilər.
